Áleýmettik jelide anasynyń armanyn oryndaǵan qyzdyń vıdeosy tarady, - dep habarlaıdy almaty-akshamy.kz
TikTok-ta qazaqstandyq qyzdyń anasy qaı elder men qalalarǵa barǵanyn kórsetken vıdeosy tarady.
"Anam 58 jasynda álemdi kóre bastaǵanda", - delingen vıdeo mátininde.
Vıdeo sıpattamasynda ondaǵan pikir jazylǵan, áleýmettik jeli qoldanýshylary eresek balalar ata-analaryn jıi saıahatqa jiberetin bolǵanyn tańdana aıtyp jatyr.
Vıdeo avtory - Azıza Ibragımova. Ol 24 jasta, Almatyda turady, anasynyń aty Arzýgúl. Qyz halyqaralyq marketıń agenttiginde jumys isteıdi. Arzýgúldiń shetelge alǵashqy sapary 53 jasynda bolǵan eken. Qyzy anasyna Mysyrda birneshe kún demalýǵa múmkindik syılaǵan.
"Sosyn men demalysqa aqsha jınaý úshin túrli jobalarmen jumys istedim. Osy elden keıin anam ekeýmizde saıahattaýdy jaqsy kórip qaldyq. 21 jasymda men ony tolyǵymen óz qamqoryma alyp, jumysyn tastaýyn ótindim. Sodan keıin anam qurbylarymen Túrkıa men Reseıge ushyp bardy", - deıdi Azıza.
2024 jyly Azıza anasyna Eýropa elderin kórsetýge sheshim qabyldaǵan. Arzýgúl Parıjdi kórýdi kópten armandaǵan. Boıjetkenniń aıtýynsha, sapar aıaq astynan josparlanǵan, biraq bul shynymen de sátti shyqqan.
Bolashaqta qyz anasyna budan da kóp elderdi kórsetýdi armandaıdy.
"Saıahat josparlaryma sáıkes, men anama Ońtústik Koreıany, Japonıany jáne, árıne, Italıany kórsetkim keledi, oǵan bul jerler óte unaıdy dep oılaımyn. Meniń anamnyń eń asyl maqsaty - jeke kondıterlik sehyn ashý men ony qaldaımyn. Ol úshin bul álemde odan da kóp elder bar ekenin kórsetkim keledi, ol saıahattaýdy unatady", - dep qosty ol.