Aqmola oblysynda qyzmettik ıttiń kómegimen polısıa kisi óltirgen kúdiktini dereý ustady, dep habarlaıdy Almaty-akshamy.kz Inform.kz-ke silteme jasap.
Oblystyq polısıa departamenti baspasóz qyzmetiniń málimetinshe, 6 mamyr saǵat 17:45 shamasynda Selınograd aýdandyq PB kezekshi bólimshesine Talapker aýylynda er adamnyń denesi tabylǵany týraly habar túsedi. Úı mańynan tabylǵan 26 jastaǵy jigittiń keýdesiniń sol jaq tusyna pyshaq suǵylǵan. Oqıǵa ornyna jedel-tergeý tobynyń quramynda kınolog ta jiberiledi.
«Jedel-izdestirý is-sharalary barysynda «Álfa» atty qyzmettik ıttiń kómegimen 19 jastaǵy jergilikti turǵyn - jábirlenýshiniń týysy kúdikti retinde ustaldy. Ol ýaqytsha oqshaýlaǵyshqa qamalyp, ústinen Qylmystyq kodekstiń 99-baby «Adam óltirý» boıynsha is qozǵaldy», - dedi vedomstvodan.
Aıta ketsek, Kókshetaý dúkenine jarylǵysh zat qoıyldy dep habarlaǵan adam izdestirilip jatyr.