Almatyda vıza ala almaǵan klıent týrfırma qyzmetkeriniń basyna qaıshy laqtyryp, jaralaǵan, - dep habarlaıdy almaty-almaty.kz Tengrinews.kz-ke silteme jasap.
Zardap shekken Marıa AQSH pen Germanıaǵa vıza alý úshin qujattardy daıyndaýǵa kómekteskenin aıtty. Eki jaqtan da oń jaýap ala almaǵan qyz Úndistanǵa tegin vıza alyp berýdi talap etedi
"Oǵan Germanıa baǵytynda jumysty jalǵastyrýdy usyndyq, bul ońaıyraq bolar edi. Ol kelisti, sonymen qatar Úndistanǵa tegin vıza alýǵa kómek surady. Vıza maquldandy, biraq bul oǵan jetkiliksiz boldy. Ol konsýldyq alymdarǵa jumsalǵan jarty mıllıondy tóleýdi talap ete bastady, biraq meniń jumysym nebári 90 myń teńge turady. Juma kúni ol keńsege kelip, menedjerdi saýalnamany óshirýge májbúrlep, suramaı faıldan qujattaryn alyp ketken. Sosyn meni alaıaqtyq úshin sotqa berdi", - deıdi jábirlenýshi
Marıa qyzdyń maqsaty ony ashýlandyrý bolǵanyn aıtady. Janjal kezinde klıent oǵan keńse zattaryn laqtyra bastaǵan. Sol jerde qaıshy da bolǵan, ol týragenttiń basyna qadalyp qalǵan.
"Men basymnan qaıshyny ózim sýyryp aldym. Jedel járdem men polıseıler kelgende, ol men ózimdi-ózim jaralaǵanymdy aıtty. Kóp qan ketti, jaramdy tikti. Kúnde tańǵyshty aýystyrýǵa baramyn. Qyz oranǵan, soǵan qaramastan osyndaı sumdyq isterge barady", - deıdi jábirlenýshi
Almaty Polısıa departamenti Tengrinews.kz tilshisine bul derekti Almaly aýdandyq ákimshiliginiń polısıa bólimi tirkep, tergeý júrgizip jatqanyn aıtty. Áıeldiń jaraqatynyń aýyrlyǵyn anyqtaý maqsatynda sot-medısınalyq saraptama taǵaıyndaldy. İs-sharalar kesheniniń qorytyndysy boıynsha sheshim qabyldanady