Ózbekstanda ekonomıkalyq salada jaýapsyzdyq pen solbyrlyq tanytqany úshin 297 basshy jumystan bosatyldy. Bul týraly Ózbekstan prezıdentiniń baspasóz qyzmeti jazdy, dep habarlaıdy aqshamnews.kz.
Olardyń ornyna zamanaýı oılaý qabiletine ıe, jańa tásilderdi engizýge daıyn jáne halyqtyń qajettilikterin qanaǵattandyrýǵa umtylatyn jas, belsendi mamandar taǵaıyndaldy.
Prezıdent Shavkat Mırzıóev bul týraly ótken jıynda: «Eger basshy ózi basqarǵan aımaqtyń jaǵdaıyna túsip, azamattar men kásipkerlerdiń máselelerin sheshýge atsalyspasa, ol jumys isteı almaıdy. Barlyǵy ózgerýi kerek. Sizder kórip tursyzdar, álemdegi saıası jáne ekonomıkalyq jaǵdaı qalaı kúrdelene túskenin. Jańa qaýip-qaterler paıda bolýda. Eger biz búgin jaýap taba almasaq, erteń kesh bolady», — dedi.