Májilis depýtattary qalyńdyqty urlaǵany úshin jazany qataıtýdy qoldady.
Májilis depýtaty Murat Ábenovtiń aıtýynsha, aıyppuldan bólek, qylmystyq jaýapkershilik engizý usynylyp otyr, tipti bas bostandyǵynan aıyrý jazasy da qarastyrylǵan, dep habarlaıdy aqshamnews.kz
Ol qalyńdyq urlaǵandardyń kóbine jazasyz qalatynyn atap ótti. Málimetinshe, mundaı oqıǵalar negizinen eldiń ońtústik óńirlerinde jıi tirkeledi.
"Eger qyz 18 jasqa tolmasa, nemese kúsh qoldansa, ne qylmys top bolyp jasalsa, onda jaza qatańdatylady – bes-jeti jylǵa deıin (bas bostandyǵynan aıyrý – red.) jazasy beriledi. Bul normany nege qabyldap jatyrmyz? Úsh jylda májbúrli neke qıý jáne urlaý boıynsha polısıaǵa 214 shaǵym tústi. Onyń tek ony ǵana sotqa jetti. Jaǵdaılardyń jartysynda eshqandaı shara qoldanylmady, kináliler bosatyldy. Qalǵan 205 jaǵdaıda ister qaralmady, qylmystyq is jabyldy. Qyzdar olardy urlaǵanyn, kólikten sekirip ketkenin, kúsh qoldanylǵanyn dáleldese de, esh nátıje bolmady", – dedi Ábenov.
Depýtattyń aıtýynsha, kelesi aptada májilismender usynylǵan bastamalardy ekinshi oqylymda talqylaıdy.