2023 jylǵy 7 qyrkúıekte qytaılyq «Loong Airlines» áýekompanıasy Hanchjoý – Almaty baǵyty boıynsha alǵashqy jolaýshylar reısin oryndady, - dep habarlaıdy Almaty-akshamy.kz Azamatty avıasıa komıteti baspasóz qyzmetine silteme jasap.
QR Kólik mınıstrliginiń Azamattyq avıasıa komıteti turaqty negizde ushý geografıasyn keńeıtý, halyqaralyq reıster sanyn ulǵaıtý jáne jańa sheteldik avıakompanıalardy tartý boıynsha jumys júrgizip jatyr.
Osylaısha, Qazaqstan Respýblıkasy men Qytaı Halyq Respýblıkasy avıasıalyq bılikteriniń birlesken jumysynyń arqasynda 2023 jylǵy 7 qyrkúıekte qytaılyq «Loong Airlines» áýekompanıasy Hanchjoý - Almaty baǵyty boıynsha alǵashqy jolaýshylar reısin oryndady. Reıster «A321» úlgisindegi áýe kemelerinde aptasyna 3 ret (seısenbi, beısenbi jáne senbi kúnderi) jıilikpen oryndalatyn bolady.
Jańa áýe tasymaldaýshynyń Qazaqstan Respýblıkasynyń áýe tasymaly naryǵyna kirýi, sondaı-aq jańa áýe baǵyttyń ashylýy elder arasyndaǵy saýda-ekonomıkalyq, týrısik jáne mádenı yntymaqtastyqty odan ári damytýǵa yqpal etetin bolady.
Hanchjoý qalasy-CHjeszán provınsıasynyń astanasy. Qala halqy 10 mıllıon adam. 2023 jyldyń 23 qyrkúıegi men 8 qazany aralyǵynda qalada 19-shy Azıa oıyndaryn ótkizý josparlanýda. Hanchjoý qalasynyń áýejaıy-Qytaıdaǵy eń kóp jumys isteıtin 10 áýejaıdyń biri. «Loong Airlines» - 2011 jyldan bastap jolaýshylar men júk tasymaldaıtyn qytaılyq avıakompanıa. Avıakompanıanyń floty «A321» (jolaýshylar) jáne «B737» (júk) tıpti 70 ushaqtan turady.
Búgingi tańda «Loong Airlines» 170-ten astam qaladan 600 ishki jáne halyqaralyq jolaýshylar jáne júk baǵyttary boıynsha tasymaldaýdy oryndaıdy.
Áýe kompanıa Hanchjoý qalasynda ótetin 19-shy Azıa oıyndarynyń resmı seriktesi bolyp tabylady.