Qytaıdyń shyǵysyndaǵy Shandýn provınsıasynda 6 tamyz kúni Beıjiń ýaqytymen saǵat 02:33-te 5,5 baldyq jer silkinisi bolyp, 21 adam zardap shekti.
Bul týraly provınsıanyń tótenshe jaǵdaılar basqarmasy habar taratty, dep habarlaıdy Almaty-akshamy.kz QazAqparatqa silteme jasap.
Qytaı seısmologıalyq ortalyǵynyń málimeti boıynsha, Shandýn provınsıasynyń Dechjoý qalasyndaǵy Pıngúan okrýginde bolǵan úlken jer silkinisinen keıin 50-den astam jer silkinisi tirkeldi.
Beıjiń ýaqytymen saǵat 8:00-degi jaǵdaı boıynsha jer silkinisi aımaǵynda 21 adam jaraqat aldy, shamamen 126 ǵımarat qulady.
Jeksenbide Shandýn provınsıasyndaǵy poıyzdardyń qozǵalysy jer silkinisinen keıin ishinara toqtatyldy. Jergilikti bıliktiń málimetinshe, baılanys jáne energıamen jabdyqtaý júıeleri ádettegideı jumys isteı beredi.
Provınsıa bıligi shuǵyl áreket etý sharalaryn bastady. Jer silkingen aýmaqtarǵa órt-qutqarý jasaqtary jiberildi.