2024 jyldyń 14 qazanynda Qytaıdyń Sıan qalasynda jáne 16 qazanynda Pekınde Almaty qalasynyń týrızm kúnderi ótedi. İs-sharanyń maqsaty – týrısik saladaǵy halyqaralyq yntymaqtastyqty damytý jáne nyǵaıtý, sondaı-aq Almatyǵa týrıserdi tartý, dep habarlaıdy aqshamnews.kz
Dostyq kezdesýler aıasynda Qytaı Halyq Respýblıkasynyń jetekshi sheteldik týroperatorlarynyń, halyqaralyq áýe kompanıalarynyń, týrısik qaýymdastyqtar men qonaqúılerdiń ókilderimen kelissózder josparlanǵan. Kezdesý qorytyndysy boıynsha Qazaqstan Respýblıkasy men Qytaı Halyq Respýblıkasy arasyndaǵy týrısik aǵyndy arttyrýǵa baǵyttalǵan yntymaqtastyq týraly memorandýmdarǵa qol qoıý kózdelýde.
İs-shara barysynda Almatynyń biregeı týrısik ónimderin tanystyrý qarastyrylǵan. Qatysýshylar úshin Qazaqstandyq ártisterdiń óner kórsetýimen jáne qolónershilerdiń sheberlik saǵattarymen mádenı baǵdarlama uıymdastyrylady. Bul jarqyn jáne este qalarlyq atmosfera syılary anyq. Ónerpazdar dástúrli qazaq ánderi men bılerin oryndap, qatysýshylardy Qazaqstannyń baı mádenıetimen tanystyrady. Sonymen qatar, kelýshiler ulttyq taǵamdardan dám tatyp, Almatynyń aspazdyq dástúrimen de jaqynyraq tanyspaq.
İs-shara sońynda Qytaı Halyq Respýblıkasynyń iri týroperatorlary arasynda Almatyǵa týr utys oıyny ótkiziledi. Jeńimpazdar qalaǵa kelip, «Medeý» muz aıdyny, «Shymbulaq» taý shańǵy kýrorty jáne mádenı-tarıhı mura nysandary syndy kórikti jerlermen tanysýǵa múmkindik alady.