London ýaqyty Astana ýaqytynan 4 saǵat artta ekenin eskersek, 6 qazanda Qazaqstanda AES salý máselesine arnalǵan respýblıkalyq referendýmǵa daýys berý Londonda keshirek aıaqtalady. Bul týraly Anglıadaǵy tilshimiz habarlaıdy.
Ulybrıtanıa astanasyndaǵy №376 saılaý ýchaskesi Qazaqstan elshiliginiń ǵımaratynda ornalasqan.
Burynǵy saılaýlardyń tájirıbesi kórsetkendeı, daýys berýshilerdiń sany túske qaraı kóbeıedi, sebebi eldiń ár túkpirinen keletin qazaqstandyqtarǵa Londonǵa jetý úshin biraz ýaqyt qajet. Daýys berýshilerdiń kópshiligi stýdentter bolady dep kútilýde, sebebi olar buryn da belsendilik tanytqan. Sonymen qatar, osy elde ýaqytsha turyp jatqan, týrıs retinde kelgen, issaparmen júrgen qazaqstandyqtar da elshilik ǵımaratynda óz tańdaýlaryn jasaı alady.
"Referendýmǵa daıyndyq qyzý júrip jatyr. Akkredıttelgen jýrnalıserge de habar taratýǵa qajetti jaǵdaıdyń bári jasaldy," - dedi №376 saılaý ýchaskesiniń tóraǵasy Rýslan Qarabulov.
6 qazanda atalmysh saılaý ýchaskesi London ýaqytymen tańǵy saǵat 7:00-de ashylyp, keshki saǵat 20:00-de jabylady.