Test oń nátıje berse, týrıser jeti kún boıy oqshaýlanady.
Bıyldan bastap Fransıaǵa barǵysy keletin qytaılyq týrıser maska taǵyp, PTR test tapsyrýǵa mindetti, dep habarlaıdy Almaty-akshamy.kz Euronews silteme jasap.
Týrıser reıstiń ushýyna 48 saǵattan az ýaqyt qalǵanda PTR nemese antıgen taldaýyn usynýy kerek. Mundaı sharalar 31 qańtarǵa deıin engizildi.
«Bul - baqylaý azamattardyń el aýmaǵyna kirýine jol bermeý úshin jasalǵan baqylaý emes, bul ártúrli nusqalardy dál anyqtaýǵa múmkindik beretin ǵylymı tásil. Muny Qytaıda keń taralǵan omıkron shtamy úshin jasap otyrmyz», - dep atap ótti Fransıanyń Densaýlyq saqtaý mınıstri Fransýa Bron.
Fransıa bul sheshimdi Ulybrıtanıa, Italıa nemese AQSH sıaqty Qytaıda koronavırýstyq ınfeksıa jaǵdaılarynyń órshýine baılanysty qabyldady. Qytaı jeltoqsan aıynyń basynda shekteý sharalaryn alyp tastaǵan bolatyn.
Apta saıyn Qytaıdan jáne Gonkongtan Fransıaǵa reıster keledi. Olardyń basym bóligi Parıjdegi Rýassı Sharl De Goll áýejaıyna qonady. Týrıserdi eń áýeli 2E termınalynda tekserý ortalyǵynyń agentteri anyqtaıdy. Eger test oń nátıje berse, olar 7 kún boıy oqshaýlanýy tıis.