Seısenbi kúni Qytaıdyń ońtústik-batysyndaǵy Sıszan avtonomıalyq aýdany, Shıgasze qalasynyń Dınjı ýezinde magnıtýdasy 6,8 baldyq jer silkinisi tirkeldi, dep habarlaıdy aqshamnews.kz Sınhýa agenttigine silteme jasap.
Qytaıdyń seısmologıalyq jeli ortalyǵynyń málimetinshe, jer silkinisiniń epısentri soltústik endiktiń 28,50 gradýsy men shyǵys boılyqtyń 87,45 gradýsynda, gıposentr 10 km tereńdikte ornalasqan.
Jer silkinisiniń saldaryn joıý jónindegi jergilikti shtabtyń habarlaýynsha, seısenbi kúni saǵat 12:30-daǵy jaǵdaı boıynsha 52 adam qaza taýyp, taǵy 62 adam jaraqat alǵan. Chanso eldi mekeninde ornalasqan Tońlaı aýylyndaǵy úıler de qulaǵan. Dınjı okrýginiń basshysy jer silkinisiniń búkil okrýgte qatty sezilgenin atap ótti.
Buǵan deıin Grınvıch ýaqytymen saǵat 01:05-te Nepaldyń Lobýche eldi mekeninde de jer silkinisi bolǵan edi.