2027 jylǵa qaraı mundaı kólikter qalalarda iske qosylmaq.
Qytaıda GAC kompanıasy GOVE dep atalatyn ushatyn avtokólik jasap shyǵaryp, kópshilikke kórsetti, dep habarlaıdy aqshamnews.kz
Bul týraly jazǵan ixbt.com portalynyń málimetinshe, GOVE – bul bólek konfıgýrasıany qoldanatyn tolyq elektrlik tik ushý jáne qoný ushaǵy (eVTOL). Al GOVE shasıi – bul eVTOL kabınasynyń aqyldy ushý-qoný platformasy ári mobıldi zarádtaý stansıasy. Kabına shası bóliginen ushqan soń, shası eń jaqyn qýattaý stansıasyn taýyp bara alady. Al ushyp ketken kabına qonýǵa daıyn bolǵan kezde, jaqyn mańdaǵy shasımen baılanys ornatady. Shası onyń dál qonýyna kómektesip, kabınany qaıta qýattaıdy.
GOVE kabınasynda 12 burandaly 6 osti kóp rotorly konfıgýrasıa bar. Al bir osti kóterý maksımaldy ushý massasynyń úshten birinen asady. Oǵan osy ýaqytqa deıin 400-den astam ushý tekserýleri júrgizilgen.
2027 jylǵa qaraı GAC Gýandýn, Gonkong, Makao úlken shyǵanaǵy aımaǵyndaǵy eki-úsh qalada ushatyn kólikterdiń pılottyq jumysyn iske qosýdy josparlap otyr.