Qytaıda Halyq Ókilderi jıyny jáne Halyqtyq saıası konsýltatıvtik keńesiniń sesıalary bastaldy. Bul jınalystyń resmı Beıjiń úshin mańyzy zor. Álemdik geosaıası jaǵdaı kúrdelengen tusta kórshi memleket qaýipsizdik sharasyn kúsheıtýge múddeli, -dep habarlaıdy Almaty-akshamy.kz «Habar 24» silteme jasap.
Beıjińde sońǵy kúnderi qaýipsizdik salasyna erekshe mán berildi. Onyń basty sebebi – Qytaı astanasynyń nazaryn aýdarǵan jyldyń basty ishki saıası oqıǵasy – «eki sesıa». Bul – bılik jumysyn qorytyndylaý jáne bolashaqqa arnalǵan mindetterdi anyqtaý. Máselen, JİÓ ósimdik kórsetkishi 5% dep jarıalandy.
Lı Kesán, QHR úkimetiniń basshysy: - Tutynýdy qalpyna keltirý jáne keńeıtý asa mańyzdy. Qala jáne aýyl halqynyń tabysyn arttyrý, ınvestısıalar men yntalandyrý sharalary búkil qoǵamdy oń ózgeristerge alyp kelýi tıis.
Ótken jyly Qytaı ekonomıkasy 5,5%-ke ósýi tıis edi. Alaıda kórsetkish 3%-ten aspady. Sarapshylar bul maqsatqa bıyl jetetine senimdi. Álem jurtshylyǵyn tolǵandyratyn taǵy bir másele – áskerı shyǵyndar. Bıyl bul maqsattarǵa 225 mlrd dollar jumsaldy. Jergilikti Qorǵanys mınıstrligi qarajat tek ulttyq egemendik pen qaýipsizdikti qorǵaýǵa baǵyttalaly deıdi. Úkimet sonymen qatar sheteldik ınvestısıalardy qarqyndy túrde tartýǵa jáne ıýánnyń baǵamyn saqtaýǵa nıetti. 12 mln-ǵa jýyq jańa jumys orny ashylady, - dep ýáde etti.
Lı Kesán, QHR úkimetiniń basshysy: - Qorshaǵan orta lastanýynyń aldyn alý qajet. Qalada jáne aýylda ekologıalyq ınfraqurylym qurylysyn kúsheıtý, asa mańyzdy ekojúıelerdi qorǵaý jáne qalpyna keltirý boıynsha iri jobalardy dáıekti túrde júzege asyrý maqsaty tur. Kómirdi ekologıalyq taza paıdalaný boıynsha jumysty kúsheıtý, jańa energıa kózderiniń júıesin qalyptastyrý qajet.
Sonymen bıylǵy «eki sesıanyń» degen qyzyǵýshylyq erekshe. Sebebi ol Qytaı Kompartıasynyń XX sezinen keıin ótip jatyr. Sondaı aq QHR Tóraǵasy Sı Szınpın úshinshi merzimge qaıta saılanady dep kútilip otyr. 5 jyl buryn Konstıtýsıaǵa engen ózgeristi eskersek, bul boljamnyń júzege asýy ábden múmkin.