Búginde Úndistanda 1,442 mıllıard adam turady. Bul – álemdegi eń kóp adam qonystanǵan el.
2011 jyly júrgizilgen halyq sanaǵy boıynsha Úndistanda 1,21 mlrd adam tirkelgen bolatyn, dep habarlaıdy Almaty-akshamy.kz.
Ekinshi orynǵa 1,425 mıllıard halqy bar Qytaı jaıǵasqan. TASS agenttiginiń málimetinshe, bul aqparattar Birikken Ulttar Uıymy halyqty ornalastyrý qorynyń baıandamasynda kórsetilgen.
Atalǵan qor Úndistan halqy sanynyń ósýin eldegi áleýmettik-ekonomıkalyq jaǵdaıdyń jaqsarýy jáne ana ólimi deńgeıiniń tómendeýimen baılanystyryp otyr.
- Qazirgi ýaqytta Úndistan halqynyń 26% -y 10-24 jas aralyǵyndaǵy jastar bolyp tabylady.
- Birikken Ulttar Uıymy sarapshylarynyń baǵalaýy boıynsha, Qytaı halqynyń sany 2022 jyly 1,426 mıllıardty qurap, azaıa bastaǵan.
Sarapshylar Qytaı halqy osy ǵasyrdyń sońyna deıin 1 mıllıardtan tómen túsýi múmkin dep boljap otyr. Kerisinshe, Úndistan halqynyń sany aldaǵy birneshe onjyldyqta óse beredi dep kútilýde.