Májilistiń jalpy otyrysynda depýtat Edil Jańbyrshın Energetıka mınıstri Almasadam Sátqalıev jylýmen jabdyqtaý problemalary bar qalalarǵa nege barmaıtynyn surady, - dep habarlaıdy Almaty-akshamy.kz.
«Energetıka mınıstri Ekibastuzda, Rıdderge, Temirtaýǵa, Kentaýǵa, Arqalyqqa, tipti Astanaǵa da barǵan joq. Sonda ol qalaı jumys isteıdi? Energetıka mınıstriniń jumysy kabınette otyrýmen bitpeıdi. Óz aıaǵymen júrip, bárin qolymen ustap, kózben kórý kerek. Energetıka mınıstri retinde aıtyńyzshy, qaı qalalar jylý maýsymyna daıyn bolmaıdy? Mundaı táýekelder bar ma?» - dep surady depýtat.
Buǵan jaýap retinde Almasadam Sátqalıev májiliste túrli-tústi syzbalary bar qujatty kórsetip:
«Biz qazirdiń ózinde sapar kestesin ázirledik, barlyq nysandardy jergilikti atqarýshy organdarmen kelistik. Onyń ústine Roman Vasılevıch (Sklár, Premer-Mınıstrdiń orynbasary) ol jaqqa da barady, osynyń barlyǵyn josparladyq. Nege biz áli barmaı otyrmyz. Sebebi kóptegen nysandarda jóndeý jumystary áli bastalǵan joq. Biz jóndeý jumystarynyń bastalýyn kútip otyrmyz. Bizde barlyq jóndeý jumystarynyń kestesi bar, ony baqylaýda ustaımyz. Mendegi karta boıynsha, qyzyl tús - bul árbir energetıkalyq nysan úshin táýekel aımaǵy, jasyl, sary - tozý deńgeıi, jańa nysandardyń qurylysy...».
«Almasadam Maıdanuly, siz daıyn bolǵansha, qys ta keledi. Eger siz kesteni jasaǵan bolsańyz, bizge aıtyńyz. Nege bizge tolyq kesteni aıtyp otyrsyz? Qaı jerde bolǵanyńyzdy, qandaı jaǵdaılar bar ekenin aıtsańyz. Durys suraq qoıyldy: qaı qalalarda qaýip bar?» – dep Qoshanov depýtattyń saýalyn qaıtalady.
Mınıstrdiń aıtýynsha, Qazaqstan qalalaryndaǵy jylý elektr stansıalarynyń uzyn-sonar tizimin tizbektegennen keıin Qoshanov taǵy da sóz aldy.
«Jalpy, suraq durys qoıyldy. Siz Prezıdenttiń ózi barlyq nysandarǵa, JEO-ǵa, qazandyqtarǵa barady. Onda jóndeý jumystary bastaldy ma? Joq pa? Qandaı problemalary bar ekenine nazar aýdarady. Al siz ázirge tek keste jasadyńyz», - dedi Qoshanov.
Búgin Májilistiń jalpy otyrysynda Joǵarǵy esep palatasynyń tóraǵasy Natalá Godýnova jylýmen qamtamasyz etý salasyna júrgizilgen aýdıttiń qorytyndysyn, jylý óndirý jáne tasymaldaý obektileriniń tartylǵan qarjy resýrstaryn maqsatty paıdalanýyn málim etti. Onyń baıandamasynan Arqalyq JEO qaǵaz júzinde iske qosyldy.