Imýnıtet tómendep, temperatýranyń aýytqýy men vırýstardyń taralýy jıileıtin bul mezgilde densaýlyqqa erekshe mán berý qajet.
1. DURYS TAMAQTANÝ
Imýnıtetti kúsheıtý úshin taǵamǵa kókónis, jemis-jıdek, jańǵaqtar men balyq sıaqty tabıǵı ónimderdi qosyńyz.
Qysta S vıtamıni óte mańyzdy: apelsın, lımon, qaraqat, jáne bolgar buryshyn jıi paıdalanyńyz.
D vıtamıni jetispeýshiligin boldyrmaý úshin balyq maıy, jumyrtqa men sańyraýqulaqtar tutynyńyz nemese qosymsha vıtamınder qabyldańyz.
2. JYLY KIİNÝ
Kún sýyqta jyly kıiný – dene temperatýrasyn turaqty saqtaýdyń eń tıimdi joly.
Bas kıim, sharf jáne qolǵapty mindetti túrde kıip júrińiz, óıtkeni deneniń jylýy negizinen bas jáne aıaq-qol arqyly joǵalady.
Aıaq kıimniń jyly jáne ylǵal ótkizbeıtinin tekserińiz.
3. TAZA AÝADAǴY BELSENDİLİK
Fızıkalyq belsendilik – ımýnıtetti nyǵaıtýdyń taptyrmas tásili. Qysta taza aýada serýendeý nemese jeńil jattyǵýlar jasaý densaýlyqqa paıdaly.
Úıde ótkizseńiz, terezeni jıi ashyp, bólmeni taza aýamen jeldetińiz.
Taza aýada 30 mınýttyq serýen qan aınalymdy jaqsartyp, aǵzany sergek etedi.
4. DEMALYS PEN UIQY
Imýnıtetti qalpyna keltirý úshin jetkilikti uıyqtaý asa mańyzdy. Táýligine 7-9 saǵat uıyqtaýǵa tyrysyńyz.
Qysqy kezeńde stress pen sharshaýdy azaıtý úshin uıyqtar aldynda telefon men gadjetterden aýlaq bolyńyz.
Medıtasıa nemese tynys alý jattyǵýlary júıke júıesin tynyshtandyryp, uıqy sapasyn jaqsartady.
5. TAZALYQ SAQTAÝ
Qoǵamdyq oryndarda júrgende medısınalyq maska kıip, qoldy jıi jýyp nemese antıseptık qoldanyp turyńyz.
Muryn shyryshyn ylǵaldaý úshin tuzdy sý eritindilerin paıdalanyńyz, óıtkeni qurǵaq aýa vırýstardyń enýin jeńildetedi.
Kópshilik jınalatyn oryndarda az ýaqyt bolýǵa tyrysyńyz jáne aýrý belgileri baıqalǵanda dereý dárigerge júginińiz.
Kúnine jyly sháı (bal men lımon qosylǵan), tabıǵı qaınatpalar nemese jemis sýsyndaryn ishýdi ádetke aınaldyryńyz. Olar aǵzadaǵy suıyqtyq tepe-teńdigin saqtaýǵa kómektesip, ımýnıtetti kúsheıtedi.