Qazaqstan namysyn alty shańǵyshy qyz qorǵady.
AQSH-tyń Leık-Plesıd qalasynda ótip jatqan Qysqy Ýnıversıadada shańǵyshylar arasynda 15 shaqyrymǵa jappaı start ótti, dep habarlaıdy Almaty-akshamy.kz QazAqparatqa silteme jasap.
Qazaqstan namysyn 6 shańǵyshy qyz qorǵady: Ksenıa Shalygına, Nadejda Stepashkına, Laýra Qınybaeva, Aısha Raqysheva, Anastasıa Rotova jáne Marıa Lúft, dep jazdy Sports.kz.
Olardyń arasynda úzdik nátıjeni Ksenıa Shalygına kórsetti. Ol dıstansıa kóshbasshysynan 11,7 sekýnd artta qalyp, «qolany» qanaǵat tutty. Altyn júldeni estonıalyq shańǵyshy Marıel Pýlles jeńip aldy. Kúmis medal Amerıka sportshysy Kendall Kramerge buıyrdy (+0.4 sekýnd).
Aıta keteıik, bul Ksenıa Shalygına úshin Ýnıversıada-2023-tegi ekinshi medal. Ol Aısha Raqysheva, Nadejda Stepashkına engen qurammen estafetada «qolaǵa» qol jetkizgen edi.