Qysqy Ýnıversıada AQSH-tyń Leık-Plesıd qalasynda 12-22 qańtar aralyǵynda bolady.
2023 jylǵy Qysqy Ýnıversıadada shaıbaly hokeıden Qazaqstan stýdentter quramasy alǵashqy oıynyn Ońtústik Koreıanyń komandasymen ótkizdi, dep habarlaıdy Almaty-akshamy.kz QazAqparatqa silteme jasap.
Kezdesý barysynda qazaqstandyq hokeıshiler alǵashqy bolyp esep ashty. Oıynnyń 14-shi mınýtynda Álı Qasenov mergendik tanytty.
Ekinshi kezeń bastalǵannan keıin koreıalyq hokeıshiler tarazy basyn teńestirse, 24, 26-shy mınýttarda Kırıll Polohov Qazaqstan quramasynyń basymdyǵyn arttyrdy.
Al 38-shi mınýtta qazaqstandyq Maksım Mýhametov qaqpany dál kózdedi.
Osylaısha qazaqstandyq hokeıshiler qarsylasynan 5:1 esebimen basym tústi.
Qazaqstandyq hokeıshiler V tobynda Ońtústik Koreıa, Vengrıa, Ulybrıtanıa, Slovakıa jáne AQSH-pen synǵa túsedi.
Atalǵan topta alǵashqy týrda AQSH quramasy Ulybrıtanıa 18:0 esebimen tize búktirse, Slovakıa hokeıshileri Vengrıadan 4:0 esebimen basym tústi.
Endi elimizdiń stýdentter quramasy 13 qańtarda Vengrıamen sheberlik baıqasady. Odan keıin 16 qańtarda Ulybrıtanıa, 17 qańtarda Slovakıa, 18 qańtarda AQSH quramasymen oınaıdy.
A tobynda Japonıa Latvıadan 8:3, Chehıa Shvesıany 7:2, Kanada Ýkraınany 6:1 esebimen jeńdi.
Qysqy Ýnıversıada AQSH-tyń Leık-Plesıd qalasynda 12-22 qańtar aralyǵynda bolady.
Qazaqstan stýdentter quramasy dúbirli dodaǵa toǵyz márte qatysty. 1995 jyly Ispanıanyń Haka qalasynda chempıondyq tuǵyrǵa kóterilse, 1993, 2013, 2015, 2017 jyldarda kúmis, 2007 jyly qola medal ıegeri atandy.
Eske salsaq, shaıbaly hokeıden Qazaqstan stýdentter quramasynyń bas bapkeri qyzmetine Ǵalym Mámbetálıev taǵaıyndaldy.