Osy jyldyń qyrkúıek aıynan bastap bakalavrıat 31 myń teńge, magıstranttar 76 myń teńge alady.
Bul týraly aıtqan Bilim jáne ǵylym mınıstri Asqat Aıtmaǵanbetov stıpendıa mólsheri qalaı ózgeretinin túsindirdi, dep habarlaıdy Almaty-akshamy.kz Sputniknews.kz saıtyna silteme jasap.
Vedomstvo basshysy kúzden bastap stýdentter men magıstranttar, doktoranttardyń shákirtaqysy ósetindigin aıtqan.
«Osy jyldyń qyrkúıeginen bastap bakalavrıat boıynsha stıpendıa mólsheri 31 myń teńgeden sál asady, magıstranttarda 15 prosentke ósedi, shamamen 76 myń teńge. Doktorantýra boıynsha da osyndaı ózgerister bar. Jalpy, sońǵy bir jarym jyl ishinde doktoranttardyń stıpendıasy 82 prosentke ósti. Biraq soǵan qaramastan olar qyrkúıekten bastap qazirgideı 150 myń teńge emes, 172 myń teńge alady dep josparlanýda», - dedi Asqat Qanatuly.
Aıtýynsha, 2025 jylǵa qaraı stıpendıa mólsheri artyp, granttar sany 75 myń orynǵa jetetin kórinedi.