Ol Sybaılas jemqorlyqqa qarsy is-qımyl agettiginen óziniń qaýipsizdigine kepildik berýdi surady
Qyrǵyzstandyq mýzykant Vıkram Rýzahýnov tergeý amaldary úshin Almatyǵa shaqyryldy. Bul týraly ol Instagram-daǵy paraqshasynda jazdy, dep habarlaıdy Almaty-akshamy.kz Inbusiness.kz-ke silteme jasap.
Vıkram Rýzahýnov alǵashynda tergeýge kelýden bas tartqanyn atap ótti. Ol Qazaqstanda keshken qorqynysh pen soqqy áli esten ketpegenin jetkizdi.
«Advokatym Nurbek Toktakýnov antıkorrýpsıalyq qyzmet tergeýshilerine osynda (Qyrǵyzstanǵa) kelýge usynys jasady. Olar telefon arqyly meni ustaǵan jerdi, ákelgen mekemeni, meni soqqyǵa jyqqan kamerany ózim kórsetýim mańyzdy ekenin aıtty», - dep jazdy Rýzahýnov. Mýzykant Sybaılas jemqorlyqqa is-qımyl agenttigi ózin Qazaqstanǵa kelýge kóndirgenin, ol advokatymen keletinin atap ótti.
Sondaı-aq Vıkram Rýzahýnov áleýmettik jelidegi jazbasyna agenttiktiń hatyn tirkedi. Aıta keteıik, bıyl Almatyda jappaı tártipsizdikter kezinde ustalǵan mýzykant Vıkram Rýzahýnov qazaqstandyq quqyq qorǵaýshylar kúsh qoldanǵanyn málimdegen Ol jaýap alý kezinde tanymal mýzykant ekenin aıtqan, alaıda polıseıler bul aqparatty teksermegen.