Qyrǵyzstanda ekpe saldyrýǵa tıis azamattardyń 25 prosenti vaksınalandy, dep habarlaıdy almaty-akshamy.kz «Habar 24» silteme jasap.
Densaýlyq saqtaý ókilderiniń málimdeýinshe, preparattar týraly teris ári tekserilmegen aqparat taratylmasa, ekpe saldyrǵandardyń sany odan da joǵary bolar edi. Al osy kezde qyrǵyz dárigerleri QazVac vaksınasyn qoldanýǵa daıyn. Olar sarapshylardyń táýelsiz komıtetiniń nusqaýlaryn kútip otyr.
Elde jappaı vaksınalaý bastalǵaly beri 586 myń adam ekpe saldyrdy. Bul vaksına alýy mindetti halyqtyń tórtten bir bóligi. Ásirese, ońtústik óńirdiń turǵyndary belsendi. Medısına qyzmetkerleri men bılikke jurttyń senimi kóp bolsa, vaksınalaý qarqyny údeıe túser edi, - deıdi Densaýlyq saqtaý mınıstrliginiń ókilderi.
Qazaqstanda shyǵarylǵan vaksınanyń 25 myń danasy qaıyrymdylyq kómek retinde shilde aıynyń basynda jetkizildi. Onyń jaramdyq merzimi – 6 aı. Densaýlyq saqtaý mınıstrliginiń ózi ony tezirek qoldanýǵa múddeli. Ujymdyq ımýnıtet qalyptastyrý úshin halyqtyń 70 prosentin vaksınalaý kerek.