Bishkek mańynda arnaıy operasıa kezinde sheteldik týrıser - Reseı, Belarýs jáne Fransıa azamattary zardap shekti, dep habarlaıdy Almaty-akshamy.kz. 24.kg saıtyna silteme jasap.
Zardap shekkenderdiń biri Dmıtrıı Anısımkovtyń aıtýynsha, órttiń saldarynan olardyń barlyq múlki janyp ketken.
«Qabyrǵanyń arǵy jaǵynda lańkes turǵany belgili boldy. Saǵat 6:00 de bizge azamattyq kıim kıgen adamdar kelip, bizdi qutqaryp aldy. Biz barlyǵymyz 13 adambyz. Reseı azamattary, Belarýs Respýblıkasynan bir azamat jáne Fransıa azamaty. Abyroı bolǵanda, eshkim zardap shekken joq. Biraq órt bastalǵan ýaqytta zattarymyz, aqshalar, bank kartalarymyz janyp ketti. Qazir Kant qalasynyń polısıa bólimshesine kelip, aıǵaq berip jatyrmyz», - dedi ol.
Eske salaıyq, 17 mamyrda tańerteń Bishkek irgesindegi Dmıtrıevka aýylyndaǵy úılerdiń birinde atys boldy. İshki ister mınıstrligi operasıa barysynda qarýly qarsylyq kórsetken lańkestiń joıylǵanyn habarlady. Arnaıy operasıa kezinde eki tártip saqshysy zardap shekti. Úı ıeleriniń aıtýynsha, birneshe kún buryn er adam áıel, balasymen páter jaldap turǵan.