Bul mártebe vızasyz kelýge múmkindik beredi.
Qyrǵyzstanda shet elderdiń 600-den astam IT mamany «Sıfrlyq kóshpendi» mártebesin alý úshin ótinim bergen, dep habarlaıdy Almaty-akshamy.kz QazAqparatqa silteme jasap.
Bul mártebe sheteldik IT-mamandarǵa Qyrǵyzstan aýmaǵyna vızasyz kelýge múmkindik beredi. Sondaı-aq kelgennen keıin tirkeýden ótýdiń qajeti joq. Al jumysqa ornalasý úshin ruqsat qujattary talap etilmeıdi. Sonymen qatar «Digital Nomad» mártebesi jeke sáıkestendirý nómirin (JSN) avtomatty túrde alýǵa, sondaı-aq ádilet jáne salyq salý salasyndaǵy ýákiletti memlekettik organdarda ońaılatylǵan tártipte qyzmet alýǵa múmkindik beredi.
«Sıfrlyq kóshpendi» mártebesin alýǵa Qazaqstan, Ázirbaıjan, Armenıa, Belarýs, Moldova jáne Reseıdiń sıfrlyq tehnologıa salasynda qyzmet etetin azamattary ótinim bere alady.
Mártebe arnaıy QR-kody bar elektrondy qujat túrinde beriledi.
«Sıfrlyq kóshpendi» mártebesin berý týraly ýaqytsha ereje 2023 jyldyń 31 jeltoqsanyna deıin kúshinde.