Qyrǵyzstan prezıdenti Sadyr Japarov Qazaqstanǵa resmı saparmen keledi, dep habarlaıdy almaty-akshamy.kz.
Bul týraly Qazaqstan Respýblıkasy men Qyrǵyz Respýblıkasy Syrtqy ister mınıstrleriniń kezdesýinde belgili boldy.
Qyrǵyz Respýblıkasy Syrtqy ister mınıstrliginiń habarlaýynsha, Murat Nurtileý resmı saparmen Bishkekte júr.
"Eki eldiń syrtqy ister vedomstvolarynyń basshylary kishi jáne keńeıtilgen quramda saıası, saýda-ekonomıkalyq, sý-ekonomıkalyq salalardaǵy strategıalyq seriktestik pen odaqtastyq qyrǵyz-qazaq qatynastarynyń jaı-kúıi men damý perspektıvalaryn egjeı-tegjeıli talqylady. Energetıka jáne mádenı-gýmanıtarlyq salalardaǵy eki eldiń halyqaralyq jáne óńirlik uıymdar aıasyndaǵy ózara is-qımyly týraly pikir almasty", - delingen habarlamada.
Sonymen qatar mınıstrler eki eldiń memleket basshylary, parlamentteri men úkimetteri deńgeıinde turaqty saıası jáne ekonomıkalyq baılanystardy qoldaýǵa ózara múdde tanytqany atap ótildi.