3 sáýirde Astanada qyrǵyz kınosy kúnderi ashyldy.
İs-sharaǵa Qyrǵyz Respýblıkasynyń Qazaqstandaǵy elshisi Dastan Dúshekeev, QR Mádenıet jáne aqparat mınıstrligi Mádenıet komıtetiniń tóraǵasy Kúmis Seıitova, QR Syrtqy ister mınıstrligi, qyrǵyz dıasporasy men BAQ ókilderi qatysty, dep habarlaıdy almaty-akshamy.kz.
Qyrǵyz kınosy kúniniń ashylýynda qyrǵyz rejıseri Rýslan Akýnnyń «Beıısh enenın tamanynda» (Peıish ananyń tabanynda) fılmi kórsetildi.
Fılm oı-órisi segiz jasar balanyń deńgeıinde qalyp qoıǵan jigittiń qıyndyqqa toly ómiri jáne ananyń balaǵa degen mahabbaty jaıynda.
Kınokartınanyń kóp bóligi Qazaqstan aýmaǵynda túsirilgen.
Aıta keteıik, fılmniń premerasy Naýryz merekesi qarsańynda Qyrǵyzstan men Qazaqstan kınoteatrlarynda birdeı ótti.
Basty maqsat - eki eldiń mádenı baılanysyn nyǵaıtyp, kórshi eldiń kıno óndirý salasyna qoldaý kórsetý.
Atalmysh fılm - qyrǵyz kınosy kúnderi aıasynda qazaqstandyq kórermen kóretin jalǵyz kartına emes.
4 sáýirde «Tenırberdı» (Táńirberdi) fılmi kórsetiledi. Týyndy jeńil, komedıalyq janrdaǵy etıkalyq qundylyqtar taqyrybyn qozǵaıdy.
Aıta keteıik, eki el kınoóndirýshileri birlesip, birneshe sátti jobalar jasady.
Atap aıtsaq, qazaqstandyq jáne qyrǵyzstandyq kınematografısterdiń birlesken jumysy nátıjesinde «Úkim» fılmi túsirildi.