Qyrǵyzstannan kelgen baqylaýshylar 20 qarasha, saılaý kúni, zań buzýshylyqty baıqamaǵan.
Bul týraly Qyrǵyz Respýblıkasy OSK janyndaǵy Leılek-Sýlýktý ASK-nyń arnaıy ókili Abdıvalı Hamraev, onyń áriptesi Qyrǵyz Respýblıkasy Bishkek ASK tóraǵasy Bahadyr Konýrov jáne baqylaýshy Tilek Shyǵaı aıtty, dep habarlaıdy Almaty-akshamy.kz.
Spıkerler Qazaqstandaǵy saılaý bul basqa elder úshin kórsetkish ekenin atap ótti.
«Biz Almatyda Qazaqstan Respýblıkasy prezıdentiniń kezekten tys saılaýyna daıyndyq jáne ony ótkizý óte joǵary deńgeıde dep esepteımiz. Biz barǵan ýchaskelerde eshqandaı zań buzýshylyq bolǵan joq. Biz ondaǵan ýchaskelik saılaý komısıalarynda boldyq. Barlyq jaǵdaıdy ýchaskelik saılaý komısıalary qadaǵalady. Komısıa músheleriniń tájirıbesi mol, ýchaskelik saılaý komısıalarynda senim bildirilgen adamdar, kandıdattar men baıqaýshylar da boldy», – dedi Ábdivalı Hamraev.
Baqylaýshy Tilek Shyǵaı da áriptesteriniń aıtqanyna qosylyp, prezıdenttik saılaýdyń nátıjeli ótkenin aıtty.
« Halyqaralyq baqylaýshylar jáne basqa da áriptester retinde qatysyp otyrǵan elderdiń arasynda joǵary deńgeı baıqalady. Bul Qazaqstanda saılaýdyń qalaı ótetininiń kórsetkishi boldy dep oılaımyn. Nátıje bárimiz úshin mańyzdy. Saǵat 20:00-de nátıjeler jarıalanady», - dedi ol.