Prezıdentke Qaraǵandy oblysynyń bıylǵy 10 aıdaǵy áleýmettik-ekonomıkalyq damýynyń negizgi kórsetkishteri týraly esep berildi.
Sondaı-aq aımaqtyń ónerkásip, aýyl sharýashylyǵy jáne ınvestısıa tartý salalary qarqyndy damyp kele jatqany týraly baıandaldy, dep habarlaıdy Almaty-akshamy.kz Aqordanyń resmı saıtyna silteme jasap.
Jeńis Qasymbektiń aıtýynsha, ónerkásip ónimin óndirý kólemi 3,1 trıllıon teńgeni (1,5 paıyzǵa artqan) qurady. Óńdeý ónerkásibindegi óndiris kórsetkishi 6,3 paıyzǵa artty. Oblys ekonomıkasyna 522,2 mıllıard teńge ınvestısıa tartyldy (8,5 paıyzǵa kóbeıgen), onyń basym bóligi (92 %) jeke ınvestısıaǵa tıesili. 2022 jyldyń qańtar-qazan aılarynda 414,4 myń sharshy metr turǵyn úı paıdalanýǵa berildi. Bul ótken jyldyń osy kezeńimen salystyrǵanda 1,7 paıyzǵa kóp.
Sonymen qatar Memleket basshysyna Qaraǵandy oblysynyń avtomobıl joldaryn damytý, halyqty sýmen qamtamasyz etý jóninde málimet berildi. Jeńis Qasymbek «ArselorMıttal Temirtaý» kompanıasyndaǵy jaǵdaı týraly da baıandady.
Kezdesý sońynda Qasym-Jomart Toqaev óńir ekonomıkasyn odan ári damytý jóninde birqatar tapsyrma berdi.