Elimizde birde-bir qylmys jasalmaǵan jer bar eken.
Tipti, ol jerdiń turǵyndary ishimdik ishýden bas tartqan, dep habarlaıdy Almaty-akshamy.kz
«Jambyl oblysy Sarysý aýdanynyń Jańaaryq aýyldyq okrýgi eń úlgili aýyl ataǵyna úmitker. Munda sońǵy 4 jylda birde-bir qylmys tirkelmegen. Aýyldyq okrýgke Aqtoǵaı jáne Uzaqbaı Syzdyqbaev aýyldary kiredi, onda 1700-ge jýyq adam turady», - delingen Polisia.kz-tiń aqparatynda.
Okrýgtegi úsh dúkende alkogól men temeki satylmaıdy. Jaqynda tórtinshi dúken ashylady, biraq ol kásipker de aýyl turǵyndarynyń bastamasyn birden qoldaǵan. Mundaı sheshimdi turǵyndar urpaqty azǵyrmaý úshin aqyldasa otyryp qabyldaǵan.
Nátıje birden baıqala bastady. Bul bastama qylmys pen quqyqbuzýshylyqtardyń, sondaı-aq otbasylyq janjaldardyń aldyn alady. Biraq bul jerde ýchaskelik polısıa ınspektorynyń quqyqbuzýshylyqtyń aldyn alý boıynsha júıeli jumysy da mańyzdy ról atqarady. Ýchaskelik ınspektor Saǵynǵalı Salamatov 5 jyldan beri Syzdyqbaev aýylynda turady. Ol óz aýmaǵyndaǵy ahýaldy tolyq meńgerý úshin júıeli sharalar qoldanady: reıdter júrgizip, polısıada esepte turǵan adamdardy turǵylyqty jeri boıynsha tekseredi, azamattyq qarý ıeleriniń erejelerdi saqtaýyna tekserýler júrgizedi.
Jambyl oblysynda osyndaı úlgili basqa da aýyldar bar. Bes aýdanda 12 aýyldyq okrýg alkogólden bas tartqan. Nátıje barlyq jerde birdeı: olar eń qaýipsiz aýyldar dep tanyldy. Bul jumysta aýyl turǵyndarynyń daýly máselelerin sheshýge kómektesip, barlyǵyn beıbitshilik pen kelisimge shaqyratyn aýyl aqsaqaldaryna úlken ról beriledi.