Bul týraly Premer-Mınıstr Álıhan Smaıylov Senat depýtattarynyń saýalyna bergen jaýabynda málim etti, dep habarlaıdy Almaty-akshamy.kz QazAqparatqa silteme jasap.
«Qutqarýshylardyń zeınet jasyna kelsek, qazirgi tańda Tótenshe jaǵdaılar mınıstrligi múddeli memlekettik organdarmen birge qutqarýshylardy azamattyq qyzmetshiler sanatynan azamattyq qorǵanys sanatyna ótkizý máselesin pysyqtap jatyr, - delingen jaýapta.
Aıtýynsha, osynyń arqasynda qutqarýshylardyń zeınetke shyǵý jasy qysqarmaq.
«Atalǵan ózgeris qutqarýshylardy áleýmettik kepildendirý sharalaryn jetildiredi. Onyń ishinde eńbek ótili boıynsha (25 jyl) nemese shekti jasqa (48 jas) jetýine baılanysty zeınetke shyǵýǵa quqyq beredi. Sondaı-aq, quqyq qorǵaý organy qyzmetkerlerine beriletin ózge de jeńildikter usynylady», - dep jazady Premer-Mınıstr.