2023 jylǵy 11 jeltoqsanda 112 qutqarý qyzmetine «Aqtóbe-Astrahan» tas jolynyń 197 km júk avtokóligi buzylyp, turyp qalǵany týraly aqparat kelip tústi. Nátıjesinde, qutqarýshylar oqıǵa ornyna baryp, 2 jolaýshyny Shubarqudyq jylytý pýnktine jetkizdi, dep habarlaıdy Almaty-akshamy.kz Aqtóbe oblysy TJD Qoǵammen baılanys tobyna silteme jasap.
Odan keıin saǵat 19:38-de Áıteke bı aýdanynyń Ulǵaısyn aýyly aýdanynda jeńil avtokólik buzylyp, turyp qalǵany týraly aqparat kelip tústi. Nátıjesinde qutqarýshylar 1979 jáne 2001 jyly týǵan Qyrǵyzstan azamattaryn qutqaryp, «Arafat» kempıngine jetkizdi.
Sonymen qatar Baıǵanın aýdanynyń qutqarýshylary Aqtóbe-Astrahan tas jolynyń 275 km turyp qalǵan eki adamǵa kómekke keldi.
Qaýipsizdik erejelerin saqtaý qajettigin eske salady.
Qolaısyz aýa-raıynda jáne táýliktiń qarańǵy ýaqytynda jetýi qıyn jerge barmańyzdar.
Qala syrtyna baratyn bolsańyz, joldardyń jaı-kúıi týraly «Darmen» mobıldi qosymshasynan bilýge bolady.
Avtomobılmen jolǵa shyqqanda alǵashqy kómek jınaǵyn, trosty, zarádtalǵan telefondy árqashan alyp júrińizder, jaqyn adamdaryńyzǵa ózderińizdiń ornalasqan jerińiz jáne josparlanǵan qaıtý ýaqyty týraly habarlańyzdar.
Tótenshe jaǵdaı bolǵan jaǵdaıda 101 nemese 112 baılanys nómirlerine habarlańyzdar.