Túrkıaǵa kómekke ketken qazaqstandyq qutqarýshylardyń alǵashqy legi elge oraldy.
38 adamnan quratyn, quramynda qutqarýshylar men medısına mamandary bar alǵashqy qazaqstandyq top Almatyǵa keldi, dep habarlaıdy Almaty-akshamy.kz
Almaty qalalyq Tótenshe jaǵdaılar departamentiniń málimetinshe, Túrkıanyń Gazıantep qalasynan Tótenshe jaǵdaılar mınıstrliginiń Il-76 bortymen respýblıkalyq jedel qutqarý jasaǵynyń 33 qyzmetkeri keldi. Olardyń arasynda 3 kınologtar toby men 5 apattar medısınasynyń dárigerleri bar. Gazıantep qalasynda 12 kún jumys istegen jasaqty Almatydaǵy tótenshe jaǵdaı departamentiniń qyzmetkerleri, týysqandary kútip aldy. Qutqarýshylardyń arasynda erligimen kózge túsken Erik Berlibekovtiń ıti Djeıkob ta bar. Qutqarýshylarymyz Djeıkobtyń kómegimen 76 saǵat qırandy astynda jatqan otbasyny qutqarǵan.
Otandastarymyz 250 myń tekshe metr úıindini arshyp, 7 adamdy aman alyp shyqty. 88 adamnyń máıitin tapty. Qazaqstandyq qutqarýshylardyń ekinshi legi búgin Astanaǵa keledi dep josparlanyp otyr.
