Almatyda nóser jaýady.
Almaty qalasynyń Tótenshe jaǵdaılar departamenti turǵyndarǵa úndeý tastady. Mınıstrlik daýyldy eskertý jarıalady, dep habarlaıdy Almaty-akshamy.kz.
23 qarashada Tótenshe jaǵdaılar departamentiniń málimetinshe, Almatyda qatty jaýyn-shashyn (negizinen jańbyr) jáne tuman kútiledi.
"Azamattardy taýǵa shyǵýdan bas tartýdy jáne 112 qyzmetiniń SMS habarlamalaryn nazardan tys qaldyrmaýdy suraımyz", - deıdi Almaty qalasy Tótenshe jaǵdaılar departamentiniń baspasóz qyzmeti.
Sondaı-aq, kólik ıelerine mashınalaryn aǵashtardyń, elektr jelileriniń jáne basqa da bıik qurylystardyń astyna qoımaýǵa keńes beriledi.
Buǵan deıin sınoptıkter Qazaqstanda 23 qarashaǵa arnalǵan aýa raıy boljamyn usynǵan bolatyn. "Qazgıdromet" RMK málimetinshe, elimizdiń basym bóliginde jańbyr men qar túrindegi jaýyn-shashyn ótip, shyǵysta qar jaýady.