Úlken jáne Kishi Almaty sý alabynda qar kóshkini júrýi múmkin.
Almaty qalasynyń tótenshe jaǵdaılar departamentiniń mamandary qala turǵyndary men qonaqtardy taýda abaı bolýǵa shaqyrdy, dep habarlaıdy Almaty-akshamy.kz.
«10-11 naýryz aralyǵynda jylymyqtyń áserinen jáne qar jamylǵysynyń turaqsyz bolýyna baılanysty Úlken jáne Kishi Almaty sý alabynda qar kóshkini júrýi múmkin. Qıyn jaǵdaıǵa urynbas úshin taý bókterine shyǵýǵa tyıym salynady. Taýda abaı bolyńyzdar», - dep eskertedi Almaty qalalyq TJD baspasóz qyzmeti.
Budan basqa, «Qazseldenqorǵaý» MM jáne Almaty qalalyq TJD mamandary júrgizgen aerovızýaldy tekserý barysynda 3000 metrden astam bıik taýly aımaqta, ortasha taýly aımaqta, qar jamylǵysynyń turaqsyz jaǵdaıyna baılanysty taý bókterinde kóshkin túsý qaýpin anyqtady.
Oǵan qosa, «Bogdanovıch» muzdyǵyna aparatyn týrısik soqpaǵynda kóshkin túsý qaýpi joǵary 12 ýchaske bar.
Týrıser men qonaqtardyń qaýpsizdigin, apattardyń aldyn alý maqsatynda óz quzyreti boıynsha úńgirdiń aýmaǵynda úsh tilde «Saq bolyńyz!» «Muzdyq qulaýy múmkin» degen arnaıy taspalar, eskertý belgileri ornatyldy.
Osyǵan oraı, Almaty qalalyq TJD men «Qazseldenqorǵaý» memlekettik mekemesi mynadaı eskertý jarıalady:
- eger taýda bolsańyz, muqıat bolyńyz jáne aýa raıynyń ózgerýin qadaǵalańyz;
- taý bókterinde qardyń jyljýyn, qardyń túıirshikterin baıqasańyz, onda taýlarǵa barmaǵanyńyz jón – bul qardyń turaqsyz kúıde ekenin, kóshkin qaýpin bildiredi;
- taýly aýmaqtarda qaýipsizdik sharalaryn saqtańyz;
- qarly tik jartastarǵa shyqpańyz.