Ekologıa jáne tabıǵı resýrstar mınıstrliginiń málimetinshe, Shyǵys Qazaqstandaǵy bir ǵana Zaısan oıpatynda 11 túrli 791 jyrtqysh qustyń óleksesi tabyldy.
Onyń ishinde 43 búrkit (Aquila chrysaetos), 11 dala búrkiti (Aquila nipalensis) bolǵan.
Elektr jelileriniń qyran-qustar jappaı uıa salatyn jerinen ótetin tusyndaǵy qyrylý aýqymy mamandardyń tóbe shashyn tik turǵyzdy: jelilerdiń árbir 10 shaqyrymynda orta eseppen 108,4 sırek qus ólgen. Bul – tabylǵan múrdeler ǵana. Jyrtqyshtar súıretip alyp ketip, jep qoıǵany qanshama?!
Mundaı qaıǵyly kórinis barlyq jerde bar. Qınalyp ólgen, tirideı janyp ketken qustardyń 44%-y – iri jyrtqysh qustar. Sonyń ishinde qaraqustar, búrkitter, dala búrkitteri de bolǵan.