2025 jylǵy 4 sáýir kúni Ortalyq komýnıkasıalar qyzmetinde ótken baspasóz máslıhatynda QR İshki ister mınıstrligi Ákimshilik polısıa komıtetiniń tóraǵasy Qaısar Sultanbaev mopedterdi tirkeý boıynsha halyq arasynda týyndaǵan ajıotajǵa túsinikteme berdi.
Onyń aıtýynsha, mopedterdi tirkeýge eshqandaı merzimdik shekteý qoıylmaǵan. Alaıda 5 sáýirden bastap tirkelmegen mopedterdi paıdalanýǵa tyıym salynady. Tıisinshe, bul kúnnen keıin de mopedterdi tirkeý múmkindigi saqtalady.
«Tirkeýdi kez kelgen ýaqytta jasaýǵa bolady, biraq 5 sáýirden keıin tirkelmegen mopedti jolǵa shyǵarýǵa bolmaıdy. Bul talap jol qozǵalysy qaýipsizdigin qamtamasyz etý maqsatynda engizilip otyr», – dedi Qaısar Sultanbaev.
Búgin, 4 sáýirde, Almaty qalasyndaǵy Saıaly yqsham aýdanyndaǵy avtoSON aldynda júzdegen moped pen tirkeý kezeginde turǵan adamdardyń uzyn-sonar legi baıqaldy.
Eske sala keteıik, moped júrgizýshilerine 5 sáýirden bastap tirkeýsiz kólik quralyn basqarǵany úshin ákimshilik jaýapkershilik qarastyrylǵan.