Eresekter arasynda ótken jarys úsh kúnge sozyldy.
Uıymdastyrýshylardyń aıtýynsha, bul - besinshi Dúnıejúzilik kóshpendiler oıyndaryna daıyndyq. Birinshilikke elimizdiń 10 oblysy men 2 qalasynan 100-ge jýyq qusbegi qatysty, dep habarlaıdy Almaty-akshamy.kz.
Chempıonatty tamashalaýǵa búrkitshi qyz atanǵan Aısholpan Nurǵaıypqyzy da keldi. Aty álemge tanymal qusbegi qatty jel soǵyp, adamdarǵa qolaısyzdyq týǵyzǵanyna qaramastan, saıystyń óte tartysty ótkenin aıtty. Jalpy,bıylǵy jarysta birinshi ret saıystyń barlyq kezeńin aıqyn kórsetip turatyn elektrondy tablo men shyrǵa paıdalanyldy. Qusbegilik bıyl 8-14 qyrkúıek aralyǵynda Astanada ótetin V Dúnıejúzilik kóshpendiler oıynynyń sporttyq baǵdarlamasyna endi.
«Qazir baıaǵydaı emes, endi táı-táı bastaǵan kezde qusbegilerimiz jan-jaqtan tájirıbe almasý deıdi ǵoı ol jaǵy az boldy da. Qazir jarys kóp bolǵannan keıin myqty. Ár oblys myqty qazir. Mońǵolıadan kelgen qandastar, Qytaıdan kelgen qandastar úlesin qosyp jatyr qazir. Ózimizdiń jergilikti qusbegiler de jan-jaqty daıyndalyp jatyr. Men oılaımyn óz basym jarysqa kelgen adamnyń ár qaısy chempıon dep oılaımyn», - deıdi qusbegi Arman Qoshqarov.
.