Bul týraly Ulttyq ǵylym akademıasynyń prezıdenti Kúnsulý Zakará málim etti.
Bulardyń bireýi qazirdiń ózinde satylaýsyl,ymda bar, dep habarlaıdy Almaty-akshamy.kz QazAqparatqa silteme jasap.
«Bıologıalyq qaýipsizdik problemalarynyń ǵylymı zertteý ınstıtýty janynan zaýyt ashyldy. Onda aýqymdy zertteýler, tájirıbelik-ónerkásiptik synaqtar men sátti shyqqan zertteý jobalaryn keń aýqymdy óndiriske shyǵarý jumystary júrip jatyr. Vaksınalarǵa kelsek, qus tumaýy jáne aýsylǵa qarsy ekpeni aıtýǵa bolady», - dedi Kúnsulý Zakará Astana halyqaralyq forýmy barysynda.
Ǵylym akademıasy basshysynyń aıtýynsha, elimizde taıaý arada aýsylǵa qarsy ekpe shyǵaryla bastaıdy.
«Aýsylǵa qarsy vaksına boıynsha álemdegi jetekshi «Boehringer Ingelheim» kompanıasymen aýqymdy kelissózder júrip jatyr. Biz jaqyn arada birlesken ónim alýǵa qol jetkizemiz dep oılaımyz. Atalǵan vaksına óz elimizde óndiriletin bolady. Qus tumaýyna qarsy vaksına qazirdiń ózinde óndirilip, satylyp jatyr», - deıdi K. Zakará.