- Ýrbanıst: «Almatynyń jańa ETJ-da ómir súrýge qajetti barlyq jaǵdaıy bar oramdyq qurylys qarastyrylǵan»
- Sarapshy: «Oramdyq qurylys – bul turǵyn úı keshenderi tyǵyz salynǵan qala emes, bul kósheler «tory»
- Bekitilgen jańa Bas jospar aıasynda Almatynyń egjeı-tegjeıli josparlaý jobasynyń (ETJ) ereksheligi, onyń oramdyq qurylysqa mán berýinde, dep sanaıdy ýrbanıst Svátoslav Mýrýnov.
«Almatynyń polıortalyqtaryndaǵy jańa qurylys qalanyń tarıhı josparyna sáıkes júrgiziledi. Oramdyq qurylys – bul turǵyn úı keshenderi tyǵyz salynǵan qala emes, bul kósheler «tory». Bul jospar Barselonanyń Eshample jobasyndaǵy 133-te 133 metrlik qaǵıdasyna uqsas 150-de 240 metrge deıingi kóshe toryn qamtıdy. Barselona jobasynyń ereksheligi, aýa almasý úshin qala keńistigin ońtaılandyrýǵa degen talpynys qana emes, sonymen qatar «barlyǵyna arnalǵan qala» úshin jaǵdaı jasaýdan turatyn keńistiktegi áleýmettaný ıdeıasyn júzege asyrýda. Bul tujyrymdama qoǵamdyq ıgilikter men keńistikterge teń qoljetimdilikti qamtamasyz ete otyryp, árbir turǵyn úshin áleýmettik teńdik pen qalalyq ortaǵa qoljetimdiliginiń mańyzdylyǵyn kórsetedi», - dedi Svátoslav Mýrýnov.
Ol ETJ qalanyń damýyn tolyqtaı ózgertýge múmkindik beretinin atady. Buryn turǵyn úıler men bıznes ortalyqtarǵa basa nazar aýdarylatyn, sebebi adam qalada qalaı ómir súrgisi keletini týraly túsinik bolǵan.
«Qala turǵynynyń saýalnamasy olardyń negizinen qalanyń ómir súrý saltyna talpynatynyn kórsetti: turǵyndar úıine jaqyn jerde jumys istegisi keledi, meıramhana jáne ózge de qyzmet túrlerin basqa aýdandarǵa barmaı-aq, ózderi turatyn mańnan alǵysy keledi. Sondyqtan ETJ búginde qala qurylysy tujyrymdamasyna kásibı mamandardyń yqpal etetinin qurylys salýshyǵa uqtyrady. Endi qurylys salýshy ákimdikpen ne salǵysy keletinin muqıat kelisýi kerek, sonyń arqasynda mingestirip turǵyn úı salý toqtaıdy», - dedi ýrbanıst.
Onyń aıtýynsha, búginde megapolıs qala qurylysy saıasatyna áser ete bastaıdy. ETJ-niń jańa erejesi qurylys salýshylardan tujyrymdamalyq jobalaýǵa múlde basqa kózqarasty talap etedi. Qalanyń ár aýdanyndaǵy qurylystyń oramdyq toryna kóptegen fýnksıonaldy nysan kiredi, bul jumyspen qamtý men jumys oryndaryn qurý máselesin sheshýge yqpal etedi.
«Búginde biz adam mamandyq pen qyzmet salasyn tez ózgertýge májbúr bolatyn ýaqytta ómir súrip jatyrmyz. Bul qala bıliginen jumys oryndarynyń qalaı qurylatynyn óte dál ári naqty tujyrymdaýdy talap etedi. ETJ-da mádenı ortalyqtar, úlken ekologıalyq óndiristik keńistikter men keńse ortalyqtarynyń qurylysy qarastyrylǵan, sonyń arqasynda jumyspen qamtý 45%-dan kem bolmaıtyndaı deńgeıde qamtamasyz etilýi múmkin», - dep sózin túıindedi Svátoslav Mýrýnov.