QazQSǴZI bazasynda qurylys mamandyqtarynyń ınjenerleri ınstıtýttyń bilikti mamandarynan bilim alyp keledi
Zamanaýı tehnologıalar, ozyq materıaldar jáne sıfrlandyrý. Búgingi qurylys salasy osyndaı qarqynmen ózgerip jatyr. Demek perspektıvaly jobalardy oryndaý kezinde soǵan laıyqty bilikti mamandar qajet, dep habarlaıdy Almaty-akshamy.kz.
Bul kýrs 3-5 kúnge eseptelip, ǵylymı-tehnıkalyq materıaldarmen birge súıemeldenedi. Oqytý baǵdarlamasy sheńberinde Qazaqstan Respýblıkasynyń qurylys salasynyń negizgi baǵyttary, atap aıtqanda ǵımarattar men qurylystardy jobalaý men salý boıynsha Eýrokodtarǵa uqsas QR EO BK qurylys normalaryn qoldaný qarastyrylǵan. Sonymen qatar mamandar «Jer silkinisine tózimdi qurylys negizderi» baǵytyn zerttep jatyr.
Oqýdy aıaqtaǵannan keıin «QazQSǴZI» AQ tyńdaýshylardy atestattaýdan ótkizip, tıisti kýálikterdi tapsyrady. Aıta keteıik, 2023 jyldyń basynan beri 300-ge jýyq maman daıarlandy.
Bul oqytý baǵdarlamalary qurylys sapasyn jańa deńgeıge kóterýge jáne qurylys nysandarynda jumys isteý kezinde qaýipsizdikti arttyrýǵa septesedi dep kózdelgen. Oqytý turaqty negizde júrgiziledi.