Sapasyz qurylys úshin tehnıkalyq qadaǵalaý organdaryn qylmystyq jaýapkershilikke tartý qajet.
Májilis depýtattary Qurylys kodeksiniń jańa jobasyn talqylap, qurylys kezinde jiberilgen zań buzýshylyqtar úshin jazany kúsheıtýdi usyndy, dep habarlaıdy 31 arnanyń Informbúro aqparattyq baǵdarlamasy.
Halyq qalaýlylarynyń aıtýynsha, qazirgi zańda tek aıyppul tóleýmen shektelgen. Ónerkásip jáne qurylys vıse-mınıstri Tımýr Qaraǵoıshın jumysyn adal atqarmaǵan qurylys kompanıalary jaýapqa tartylatynyn aıtty. Endi qurylys salasynda óreskel zań buzýshylyqqa jol bergen kompanıalar qara tizimge enip, qyzmetine múldem tyıym salynbaq.
Sondaı-aq jańa zań jobasy seısmıkalyq aımaqtarda qurylys júrgizý úshin qaýipti aldyn alýdy baǵalaýdy mindetteıdi. Aıta keteıik, bıyl qańtarda úkimet maquldaǵan Qurylys kodeksimen sarapshylar men bıznes-qoǵamdastyqtar kelispeı, qujatty mınıstrlikke qaıta qaraýǵa jiberýdi suraǵan edi.
"Memlekettik baqylaýdy kúsheıtý jónindegi jańa tásilder bólimderi. Josparly ınspeksıalaý mehanızmin engizý jáne memlekettik-qurylys baqylaý jáne tótenshe jaǵdaılar organdarynyń obektilerdi paıdalanýǵa qabyldaýǵa qatysýy. Barlyq berilgen ruqsattarǵa revızıa júrgizý. Shuǵyl áreket jasaý sharasyn engizý – bul qurylysty baqylaýdyń jańa nysany. Ol anyqtalǵan buzýshylyqtarǵa jedel shara qoldanýǵa múmkindik beredi", – dedi QR ónerkásip jáne qurylys vıse-mınıstri Tımýr Qaraǵoıshın.