Serıaldyń birinshi maýsymy 13 bólimnen turady.
Mýltserıal qazaq kúıshisi Qurmanǵazy kúıleriniń tarıhyn baıandaıdy, dep habarlaıdy Almaty-akshamy.kz Egemen.kz-ke silteme jasap.
Atap aıtqanda, serıal áıgili kúıshiniń ómirinde iz qaldyrǵan oqıǵalardy: XIX ǵasyrdaǵy qazaq halqynyń óz jerin qorǵaý áreketi men onyń otarshyldardan kórgen azabyn baıandaıdy.
Jobany Tasqyn Studio daıyndaǵan. Kompanıa ókilderi bul týyndyny qazaq mýzykasynyń dástúrin anımasıada beıneleýdiń alǵashqy qadamy dep baǵalap otyr.
«Biz halqymyzdyń mádenı murasyn qalyń jurtshylyqqa tanytyp, talǵampaz qazaq kórermenderimen qatar barlyq ulttar men ár jastaǵy kórermender arasynda qazaq mádenı-etnıkalyq muramyzǵa degen qyzyǵýshylyqty oıatqymyz keledi», - dedi stýdıa qyzmetkerleri.
Serıaldaǵy kúılerdi kúıshi Abylaı Tilepbergen oryndaǵan. Al senarıi naqty tarıhı oqıǵalar men mıftik ańyzdarǵa negizdelgen.
Jalpy, anımasıalyq serıaldyń birinshi maýsymy 13 bólimnen turady. Ár epızod 40 mınýtty quraıdy.