Álemde 10 jylda bir ret bolǵan qurǵaqshylyq búginde 1,9 esege artyp otyr. Árıne sý tapshylyǵy álemdik ekonomıkaǵa orasan zor shyǵyn ákeletini sózsiz. Bul máselege bizdiń otandyq ǵalymdar da beıjfı qaramaıdy.
Óıtkeni sý tapshylyǵy 2030 jylǵa qaraı álemdegi eń kúrdeli máselelerdiń úshtigine qalyp qoıýy múmkin, dep habarlaıdy Almaty-akshamy.kz Ǵylym jáne joǵary bilim mınıstrliginiń baspasóz qyzmetine silteme jasap.
Búginde M.Áýezov atyndaǵy OQÝ-niń ǵalymdary atmosferaǵa teris zarádti ıondardy jiberip, ashyq aspanǵa býdaq bulttardy jınaýǵa bolatyn tehnologıany usyndy. Nátıjesinde jańbyrdy qajetti mólsherde jaýǵyzyp, klımatty retteýge múmkindik týady.
Qazir sý tapshylyǵy men qurǵaqshylyqty joıatyn ınovasıalyq tehnologıa synaqtan ótip jatyr. Mundaı tehnologıalar búginde Iran, Pákistan syndy memleketterdiń shóleıtti aımaǵynda qoldanylyp otyr.
Joba avtorlarynyń aıtýynsha, klımatty ózgertýge arnalǵan tehnologıalyq qondyrǵy álem elderinde synaqtan sátti ótken. Iran, Pákistan syndy memleketterdiń shóleıtti aımaǵynda mundaı tehnologıalar qoldanylyp otyr.
M.Áýezov atyndaǵy OQÝ-niń profesory, tehnıka ǵylymdarynyń doktory, QR Memlekettik syılyǵynyń laýreaty Naǵıma Jaqypbekovanyń aıtýynsha, búgingi kúni Armenıa jáne Grýzıa memleketteriniń profesor-ǵalymdarymen birlesip, sý kózderin seolıt qospasymen qaıta óńdeý tehnologıasyn engizý josparlanyp otyr.