Ol úkimdi tyńdaǵannan keıin barsha musylmandardan keshirim suraǵan.
Groznyı soty 2023 jyly 4 mamyrda Quran kitabyn órtegen Volgograd turǵyny Nıkıta Jýravelge úkim shyǵardy. Ol endi jazasyn jalpy rejımdegi túrmede óteıtin bolady.
Tass agenttiginiń málimetine súıensek, ol sot úkimin tyńdaǵannan keıin barsha musylmannan keshirim surap, sot úkimin ádil dep sanaıtynyn málimdegen. Buǵan deıin ol Islam dinin qabyldaǵysy keletinin aıtqan. Tipti, Quran oqyp alǵashqy qadamdaryn jasap júrgenin jetkizipti.
Desekte, Jýraveldiń advokaty Iýlıa Antonova úkimge shaǵym túsiretinin málimdegenin jazdy ınternet basylymy. Qorǵaýshynyń aıtýynsha, úkimniń qanshalyqty zańdy ekenin qylmystyq ister boıynsha sot alqasy qaraýy kerek.
Eske salsaq, Nıkıta Jýravelge qatysty is Volgogradtaǵy meshit mańynda Quran kitabyn órtegeni qozǵalǵan bolatyn. Osy isi úshin ol 20-mamyrda ustalyp, 22-mamyrda qamaýǵa alyndy.
Tergeý barysynda ózine taǵylǵan aıypty ishinara moıyndaǵan. Aıta ketý kerek, Jýraveldiń mundaı keleńsiz áreketi Sheshenstanda myńdaǵan adamnyń ereýilge shyǵýyna sebep bolǵan.
Esińizde bolsa, Memleket basshysy Qasym-Jomart Toqaev 2023 jyly shildede birqatar memlekette bolǵan Qurandy órteý aktilerin qazirgi álemdegi jaǵdaıdy shıelenistirýge, halyqtar men memleketter arasyndaǵy senimge nuqsan keltirýge baǵyttalǵan arandatýshylyq áreket ekenin aıtqan bolatyn.