Abaıdyń 1909 jyly jaryq kórgen kitaby restavrasıalandy
Qundy jınaqty Semeı qalasynyń aımaqtyq komýnıkasıalar qyzmetinde ótken baspasóz-konferensıasynda Abaı mýzeıiniń ókilderi tanystyrdy, dep habarlaıdy Almaty-akshamy.kz
«1909 jyly hakim qaıtys bolǵannan keıin onyń alǵashqy jınaǵy basylyp shyqqan edi. Kitaptyń jaryq kórýine onyń uly Turaǵuldyń, nemere inisi Káketaıdyń jáne «Alash» qozǵalysynyń jetekshisi Álıhan Bókeıhannyń úlesi zor bolǵan. Jınaq Nur-Sultan qalasyndaǵy qoljazbalar jáne sırek kezdesetin kitaptardyń ulttyq ortalyǵynda qaıta qalpyna keltirildi. Ortalyq mamandary Semeıge kelgende, bizdiń mýzeıde biregeı jınaqtyń bar ekenin bilip, ony restavrasıalaý týraly sheshim qabyldady. Osyǵan deıin kitaptyń muqabasy bolmaı ári biraz betteri jyrtylǵan edi. Qazir jańartylǵan jınaq mýzeıge oraldy», - dedi mýzeı dırektorynyń orynbasary Meıramgúl Qaırambaeva.
Abaıdyń júzge jýyq shyǵarmasy engen kitap 120 betten turady. «Halyq týraly», «Mahabbat týraly» syndy bólimderge bólingen.