Taılandqa jumys isteýge baryp, quldyqqa túsken eki otandasymyz (áıelder) elge oralýda. Bul týraly Syrtqy ister mınıstrliginiń resmı ókili Aıbek Smadıarov málim etti, dep habarlaıdy almaty-akshamy.kz
«Bıyl qańtarda men Qazaqstannyń azamatymyn, Jýnglıdiń ishindemin, qaıda ekenimdi bilmeımin dep kómek suraǵan habarlama tústi. Azamat eńbek quldyǵyna túskenin aıtyp, bizden kómek surady. Anyqtalǵandaı, bizdiń eki azamatymyz «Altyn úshburysh» aýmaǵynda aldanǵan. Eń qyzyǵy, ekeýiniń de joǵary bilimi bar jáne birneshe til biledi», - dedi Aıbek Smadıarov vedomstvoda ótken baspasóz máslıhatynda.
Onyń aıtýynsha, eki otandasymyz Taılandqa jumys isteýge barǵan.
«Quldyqqa túsken eki qazaqstandyqtyń árqaısysynan 10 myń dollar talap etken. Jergilikti bılikpen kelisimge kelip, bir aı degende eki azamatymyzdy qutqardyq. Qazir olar Qazaqstanǵa ushaqpen kele jatyr», - deıdi ol.