Qoldanystaǵy zańnamadan birqatar kemshilikter anyqtalǵan
Elde saıası qýǵyn-súrgin qurbandaryn tolyq aqtaý týraly jańa zań ázirlenedi. Zań jobasy jumys tobynyń birinshi otyrysynda talqylandy, dep habarlaıdy Almaty-akshamy.kz «Habar 24» telearnasyna silteme jasap.
Jumys tobynyń quramynda kórnekti ǵalym-zańgerler, depýtattar, sondaı-aq Prezıdent Ákimshiligi, Bas prokýratýra, Ádilet jáne İshki ister mınıstrliginiń ókilderi bar. Muraǵattar men qoldanystaǵy zańnama normalaryn zertteı otyryp, mamandar birqatar kemshilikterdi anyqtaǵan. Sonyń saldarynan, keıbir qýǵyn-súrgin qurbany áli kúnge deıin aqtalmaǵan eken. Jobany ázirleýshilerdiń aıtýynsha, jańa qujat osyndaı kedergilerdi joıady. Olar rásimdi jeńildetip, tarıhı ádilettilikti qalpyna keltirý úshin tutas zań shyǵarý júıesin qurýdy josparlap otyr.
«Biz jańa zań jobasynda aqtaý bul – memlekettiń mindeti dep kórsetip jatyrmyz. Jalpy birneshe organ osy aqtaý prosesine qatysý kerek. Qazaqstanda ár óńirde jumys júrgizilip jatyr»,-deıdi memlekettik komısıa múshesi Sabyr Qasymov.