Alǵashqy qońyraý soǵylyp, balalardyń mektepke barar sáti de alys emes. Jyl saıyn baǵasy sharyqtaı túsetin oqý quraldary men mektep formasyn satyp alýdy barshanyń qaltasy kótere bermeıtindigi ras. Al, jańa oqý jylyna daıarlanyp jatqan ata-analar men balalardyń osynaý qarbalas sátinde olarǵa kómek qolyn sozyp, qoldaý bildirý ıgilikti is.
Ulttyq ulanda jyl saıyn dástúrge aınalǵan «Mektepke jol» aksıasy mektep oqýshylaryna osy sáttegi qıynshylytaryn jeńiýge baǵyttalǵan qaıyrymdy shara.
Osyǵan oraı «Ońtústik» óńirlik qolbasshylyǵyna qarasty 5547 jáne 5514 áskerı bólimderde jyl saıyn jańa oqý jyly qarsańynda ótkizilip turatyn «Mektepke jol» aksıasy «Júrekten júreke» uranymen ótti. İs-shara kóp balaly otbasylardan shyqqan mektep oqýshylaryna, jalǵyz basty analardyń balalaryna kómek kórsetý maqsatynda uıymdastyryldy.
- Ujymda kóp balaly otbasylardan bólek, erekshe balalar tárbıelenetin otbasylar da bar. Árbir is-sharada biz áskerı qyzmetshilerdiń balalaryna kóńil bólýge, merekeler men baıqaýlar uıymdastyrýǵa, túrli anımatorlardy shaqyrýǵa tyrysamyz. Bul ujymdy biriktiredi, áskerı qyzmetshiler bir-biriniń otbasyn tanıdy, al balalar ata-anasynyń qyzmetin jaqynyraq biledi, - deıdi 5514 áskerı bóliminiń bas tárbıeshisi maıor Nursultan Tólegen.
Áskerı qyzmetshilerdiń otbasylaryna barǵan ulandyqtar alǵash mektep tabaldyryǵyn attaǵaly turǵan jáne mektep qabyrǵasyndaǵy oqýshy balalaryna bólim basshylyǵy men áıelder keńesi atynan syılyqtar tabys etti.
- Bul aksıa kóptegen jetkinshekke shapaǵat nuryn sebýde. Bul bir rettik qana emes, jyl boıy jalǵasyp otyratyn úrdis. Osy rette árdaıym áskerı qyzmetshilerdiń otbasy múshelerine, balaryna kóńil bólip otyratyn bólim basshylaryna sheksiz alǵysymdy bildiremin, – deıdi 5547 áskerı bólimindegi áskerı qyzmetshi serjant Asanbek Jamantaevtyń jubaıy Zýhra Ilásova.
Aksıa sheńberinde áskerı qyzmetshilerdiń balalary mektepke qajetti keńse kerek-jaraqtarymen, sómkelermen jáne mektep formalarymen qamtamasyz etildi.
«Qýantsań – balany qýant» degendeı osyndaı ıgi sharaǵa úles qosý adamı qasıtetterdiń eń qadirlisi. Balalardyń rıasyz kúlkisi, kóńilindegi tazalyq, júregindegi adaldyq árqashan ómirge úmit beredi. Jańa oqý jyly qarsańyndaǵy ıgi bastama elimizde daryndy, bilimdi, alǵyr, deni saý urpaq ósýine uıytqy bolmaq.