Bul týraly Qýandyq Bıshimbaevtyń burynǵy áıeli Youtube-te beınejazba jarıalady.
Nazym Qaharman Bıshimbaevtar otbasy alıment tóleýden tolyq bas tartatynyn málimdedi, dep habarlaıdy aqshamnews.kz
Onyń aıtýynsha, bıyl uly Kárimniń mekteptegi oqý aqysy boıynsha úsh transhtyń ekeýi tólenbegen.
"Qýandyq pen onyń otbasy ony tólegen joq. Byltyr demalystyń eshqaısysy da tólenbedi. Sol sıaqty psıhologtiń qyzmeti de tólengen joq. Basymyzdan aýyr psıhologıalyq travma ótkergendikten, psıhologke jıi júgindik. Men barlyq tólegen soma týraly aqparatty advokat Ǵazymjanovqa jiberip otyrdym. 1,5 jyl ishinde úlken soma shyqty. Alaıda olar eshqandaı jaýap bergen joq. Densaýlyq taqyrybyn kótermeı-aq qoıaıyn. Sebebi eshbir dárigerdiń qyzmeti, dárýmender men dáriniń quny tólengen joq. Alaıda osyndaı kúızelistiń zardabyn túsinip otyrǵan shyǵarsyzdar. Men munda barlyq shyǵyn kólemine toqtalyp otyrǵan joqpyn. 2020 jyly ajyrasqan kezde alıment týraly kelisim jasalǵan bolatyn", - dedi ol óziniń Youtube-arnasyndaǵy jazbada.
Sózinshe, ajyrasqan kezde Qýandyq Bıshimbaevta alımentti tólemeý múmkindigi boldy. Sebebi Nazym Qaharman ony ata-ana quqyǵynan aıyrý týraly ótinish bergen.
"Alaıda ol sotta jaýapkershilikti alyp, óziniń mindetterin oryndaıtynyn málimdedi. Ókinishke qaraı, alıment týraly eske salyp otyrý kerek. Men osy másele týraly Baıan atty advokatqa habarlasyp otyrdym. Mysaly, osy vıdeo taspalanǵan 28 naýryz kúni osy naýryz aıy boıynsha alıment áli túspedi. Olar ótken jyldyń qarasha-jeltoqsan aılarynda alımentti júıeli túrde aýdaryp otyrdy", - dedi ol.
Eks-mınıstrdiń burynǵy jubaıy 30 naýryz kúni oǵan Bıshimbaevtar otbasynyń advokaty habarlasqanyn aıtty. Sózinshe, advokat olardyń alıment tóleýden tolyq bas tartatynyn málimdegen.
"Osyǵan deıin abúzdiń tikeleı jasalynbaıtynyn, ol árdaıym uryp-soǵý degendi bildirmeıtinin aıtqan edim. Bul manıpýlásıa da bolýy múmkin", - dedi Nazym Qaharman.