Prezıdent Qasym-Jomart Toqaev jahandyq qaýip-qater men onyń sheshimine qatysty oıyn bildirdi.
Memleket basshysy atap ótkendeı, álemdegi ekstremızm men terorızm máselesi ýshyǵyp tur. Al energetıkalyq daǵdarys kómirtekti beıtaraptyqqa qol jetkizýde kedergi keltirip tur. Sońǵy jyldarǵy alapat tabıǵı apattardan kelgen shyǵyn 3 trln AQSH dollaryna jetken, dep habarlaıdy Almaty-akshamy.kz 24.kz-ke silteme jasap.
Jahan júzi ekonomıkalyq, ekologıalyq daǵdarysqa ushyraǵan tusta ultaralyq arazdyq pen memleketaralyq kıkiljińder jyǵylǵanǵa judyryq bop tıetini aıan.
«Qazirgi qaterlerge tótep berýde ne nársege ıek artamyz? Bul saýalǵa tarıhtyń ózi aıqyndap bergen jalǵyz ǵana jaýaby bar. Túzý nıet, dıalog jáne halyqaralyq áriptestik. Jetistikke kepil beretin ózge dúnıe joq. Qaı másele bolmasyn, BUU-nyń jarǵylyq qaǵıdasyna saı Qazaqstan qashan da dóńgelek ústeldiń basynda dıalog qura otyryp, keleli sheshimge kelýge úndeıdi. Úrkitip-qorqytý, sanksıa salý, kúsh qoldaný – bulardyń eshqaısysy túıtkildiń túıinin tarqatqan emes. Osyndaı kezde gýmanızmniń qaǵıdasyna súıengenimiz abzal. Mundaıda árıne, dástúrli dinderdiń mańyzy zor. Adam ómiri men quqyǵy, árkimniń múddesin eskerý, ashyqtyq - osynyń bári jańa qaýipsizdik júıesiniń baǵanasy bolýy tıis», - dedi Qazaqstan Respýblıkasynyń Prezıdenti Qasym-Jomart Toqaev.