Olar 159 mıllıon teńge urlaǵan.
QTJ áskerılendirilgen temirjol kúzetiniń jetekshileri sottaldy, dep habarlaıdy Almaty-akshamy.kz
Bul týraly 2024 jyldyń 31 mamyrynda Antıkor habarlady.
Astana qalasynyń qylmystyq ister jónindegi aýdanaralyq soty "Áskerılendirilgen temirjol kúzeti" JSHS bas dırektory B. Nahanovqa, onyń orynbasary A. Muqataevaǵa jáne menedjer R. Sıdıkovqa qatysty úkim shyǵardy.
Olar beınebaqylaý jabdyqtaryn satyp alýǵa bólingen 159,4 mln teńge somasyna aqsha jymqyrǵany úshin kináli dep tanyldy.
Sondaı-aq, Nahanov áskerılendirilgen temirjol kúzetiniń júrgizýshisi retinde adamdy jumysqa ornalastyrý arqyly laýazymdyq ókilettikterin asyra paıdalanǵany úshin sottaldy.
Sot úkimimen Nahanovqa 8 jyl bas bostandyǵynan aıyrý jazasy taǵaıyndaldy.
Sol úkimmen Muqataeva men Sıdıkov 7 jylǵa bas bostandyǵynan aıyryldy.
Atalǵan adamdar memlekettik qyzmette qyzmet atqarý quqyǵynan ómir boıyna aıyryldy.
Úkim zańdy kúshine engen joq.